(កំពង់ធំ)÷ អភិបាលសស្រុកស្ទោង បានលើកទឹកចិត្តអាជ្ញាធរមូលដ្ឋានត្រូវយកចិត្តទុកដាក់ដល់ជីវភាពគ្រួសារចាស់ជរា គ្រូសារកងទ័ព និងងាយរកហានិភ័យ លោក សាយ គឹមឡម បានលើកឡើងដូច្នេះក្នុងឱកាសដែលលោក និងសហការី បានអញ្ជើញជួបសំណេះសំណាលសួរសុខទុក្ខ គ្រួសារចាស់ជរា គ្រួដារកងទ័ពនិងងាយរងហានិភ័យនៅក្នុងឃុំកំពង់ចិនជើង ស្រុកស្ទោង ខេត្តកំពង់ធំ កាលពីរសៀលថ្ងៃទី០១ ខែកញ្ញា ឆ្នាំ២០២៥។

ជាមួយគ្នានេះលោកបានពាំនាំនូវការផ្តាំផ្ញើសួរសុខទុក្ខពីសំណាក់ឯកឧត្តមនួន ផារ័ត្ន អភិបាលនៃគណៈអភិបាលខេត្តកំពង់ធំ ដែលលោកតែងតែគិតគូរយកចិត្តទុកដាក់ខ្ពស់ ដល់ពុកម៉ែបងប្អូនប្រជាពលរដ្ឋគ្រប់មូលដ្ឋាន ជាពិសេសអ្នកស្រុកស្ទោង ដែលលោកតែងតែជួបជុំសំណេះសំណាលជាញឹកញយកន្លងមក។

លោកបន្ថែមថាការយកចិត្តទុកដាក់ដល់គ្រួសារចាស់ជរា គ្រួសារកងទ័ពនិងងាយរងហានិភ័យគឺជាការយកចិត្តទុកដាក់ខ្ពស់របស់ប្រមុខរាជរដ្ឋាភិបាល ដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី និងដល់សុខទុក្ខសុខុមាលភាពគ្រប់ក្រុមគ្រួសារទាំងអស់គ្រួសារ ហើយមិនត្រូវបានមើលរំលងឬអាជ្ញាធរ ពុំបានដឹងថាក្រុមគ្រួសារណាមួយឬមាននរណាម្នាក់ត្រូវបានដាច់ពោះស្លាប់ដោយសារទុរ្ភឹក្សឬគ្មានអាហារបរិភោគនោះឡើយ។

ជាចុងបញ្ចប់លោកបានលើកទឹកចិត្តថែមទៀតដល់អាជ្ញាធរពាក់ព័ន្ធ ត្រូវបង្កើនការយកចិត្តទុកដាក់ថែមទៀតដល់សុខទុក្ខសុខុមាលភាពទូទៅរបស់ពុកម៉ែបងប្អូនប្រជាពលរដ្ឋក្នុងមូលដ្ឋានជាពិសេសបងប្អូនពលករដែលទើបធ្វើមាតុភូមិនិវត្តន៍ពីប្រទេសថៃនិងជនភៀសសឹកដែលបានភៀសខ្លួនពី សង្គ្រាមឈ្លានពានទាំងកំរោលរបស់ចោរសៀម។

អភិបាលសស្រុកស្ទោង បានលើកទឹកចិត្តអាជ្ញាធរមូលដ្ឋានត្រូវយកចិត្តទុកដាក់ដល់ជីវភាពគ្រួសារចាស់ជរានិងងាយរកហានិភ័យ: លោក សាយ គឹមឡម បានលើកឡើងដូច្នេះក្នុងឱកាសដែលលោកនិង សហការី បានអញ្ជើញជួបសំណេះសំណាលសួរសុខទុក្ខ គ្រួសារចាស់ជរានិងងាយរងហានិភ័យនៅក្នុងឃុំបន្ទាយស្ទោង ស្រុកស្ទោង ខេត្តកំពង់ធំ កាលពីរសៀលថ្ងៃទី១៤ ខែសីហា ឆ្នាំ២០២៥។

សូមបញ្ជាក់ថាក្នុងឱកាសនេះ សាយ គឹមឡម បានប្រគល់ជូនដល់គ្រួសារចាស់ជរា គ្រួសារកងទ័ពនិងងាយរកហានិភ័យចំនួន០៩គ្រួសារដែលក្នុងមួយគ្រួសារៗ ទទួលបាននូវអង្ករ១បេ និងមីមួយចំនួនផងដែរ។