កំពង់ឆ្នាំង៖ នៅថ្ងៃទី១៥ ខែសីហា ឆ្នាំ
២០២៥ សមត្ថកិច្ចជំនាញខណ្ឌរដ្ឋ
បាលបាលជលផលកំពង់ឆ្នាំង សហការជាមួយអធិការដ្ឋានរដ្ឋបាលជលផលខាងត្បូងបឹងទន្លេសាប និងសហគមន៍នេសាទភូមិថ្មី ភូមិកៀនតាម៉ា អមដំណើរ ឯកឧត្តម ប៉ែន ផល្លិកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ចុះប្រតិបត្តិការបង្ក្រាបការធ្វើនេសាទនៅចំណុចបឹង វាលសំណាប ក្រោយភូមិ ឃុំពាមឆ្កោក ស្រុកជលគិរី ខេត្តកំពង់ឆ្នាំង ប្រទះឃើញ ការធ្វើនេសាទដោយប្រើឧបករណ៍ លូ រួមផ្សំ របាំងស្បៃមុង ដែលខុសទៅនិងច្បាប់ស្តីពីជលផល។ បន្ទាប់មកសមត្ថកិច្ច បានឯកភាពគ្នារុះរើនិងបំផ្លាញចោលវត្ថុតាងដែលជាឩបករណ៍ខុសច្បាប់ស្តីពីជលផលនៅនិងកន្លែង។
លោក លី ឡា នាយខណ្ឌរដ្ឋបាលជលកំពង់ឆ្នាំង បញ្ជាក់អោយដឹងថា ចំពោះប្រតិបត្តិការនេះ ជាលទ្ធផល រុះរើ និងបំផ្លាញចោលរបាំងស្បៃមុងចំនួន១ករណី ស្មើនឹង១៦ កន្លែង ប្រវែង៨៤០ម៉ែត្រ /
លូស្បៃមុងចំនួន ១៦គ្រឿង បង្គោលចំនួន៤៨០ដើម និងចាក់លែងត្រីល្អិតចម្រុះចូលដែននេសាទវិញចំនួន ២០០គីឡូក្រាម។
គួរបញ្ជាក់ថា ការបង្ក្រាបបទល្មើសនេសាទខាងលើនេះមានកម្លាំងចូលរួមសរុបចំនួន
១៦នាក់ និងប្រើប្រាស់មធ្យោបាយបាឡាស្មាច់ ចំនួន ៤ គ្រឿងផងដែរ ៕
